Yuku free message boards

Agulmim le 22/05/2007

S dar lwazir amzwaru dris jettu
ur agh issusm adawn nara tabrat ad acku nzra tara3ayt lli illan f izrfan n imazighn, izrfan ufgan ttuten mac tanabbat lli f tgit amzwaru tawwuri nes igat ifssi!?
Nezrak ghas lli ar tsawalt f issyafatn n imghribin, lligh tlla tmukrist n ughmis n nnican, wanna k ur issan irad ighal is tgit andaf f isyafaten n umadan. Nrak ad tighzint gh mayan, mac nkni gh umnnad ngh Nessan mad igan tidt nessan tillawt mani tawats acku agharas lli kkan imasayn zund kiyyin ur iffugh!?
Max imazighn ur gan afgan!?
Max imazighn ur gan imghribin!?
Max ur tissant is ura ttili kra n tdimuqratit igh ur tgi tmazight tutlayt tunsibt !?
Max imazighn ur gin inzraf( saharien)!?
Max ur tissant izd mnck n tsggiwin gh lmaghrib a yran anbbad n ixf uriga ghar iffus!?
Max ur tissant amzruy n tmazgha !?
Nghd ar tskart is ur tissant !?
Max ur tzrit tara3ayt lli isala mustafa l3alawi gh ughmisnn !?
Nghd imazighn ur ttafn isyafatn !?
Nghd isyafatn n willi tininin gan a3rabn ka f tgit andaf!?
Max ur iga mayad lli tsalat ma issiwidn !?
Max ur iga udmawn ayad tsala tnabbadt lli mu tgit amzwaru ns !?
Max ur tsawelt lligh tqen tmsrit gh umnid n ukabar agdudan amazigh gh wamur n wakuc(Marrakech) 03/02/2007 gh ugrawans amqran nghd willi cukkanin akabar ad ur ttafn isyafatn !?max ntnin ur gan imghribin!?
Nghd ur tssint mayad is illa!?
Tamsmunt n w aza turut tmtti tamghribit illa dars uzrf adak tnna han agwma ur jju d iga kyyin a ysawaln f izerfan n imazighn ula tgit andaf f istafatn sen.
gh tgira arak ntini han izider n imazighen idda ilkm tmmi,mac taghmsa n imazighn ur sar tbid.
Amzruy r ad izmmim tafrka y ad igan takwsna d usmerrt light tgit imazighen.
Hayyagh ar ntteql s w arurnk f tbrat ad waxxa nsen is ur sar illa.

Azwul n Tmsmunt n w aza Agulmim